Sot, më 11 nëntor, në Shtetet e Bashkuara të Amerikës festohet Dita e Veteranëve.

Në këtë përvjetor, kryetari i Kuvendit të Republikës së Kosovës, Dimal Basha, ka shprehur mirënjohjen e thellë për të gjithë burrat dhe gratë që kanë shërbyer me nder në Forcat e Armatosura të Shteteve të Bashkuara të Amerikës.

Në një mesazh zyrtar, Basha thekson rëndësinë e kontributit historik të forcave amerikane gjatë intervenimit të vitit 1999, i cili solli fundin e luftës në Kosovë dhe hapi rrugën drejt lirisë dhe pavarësisë së vendit.

“Falënderim të veçantë për kontributin historik të tyre gjatë intervenimit të vitit 1999, që solli fundin e luftës në Kosovë dhe hapi rrugën drejt lirisë dhe pavarësisë sonë. Po aq e çmuar mbetet edhe prania e vazhdueshme e forcave amerikane në kuadër të KFOR-it, të cilat vazhdojnë të luajnë rol të pazëvendësueshëm në ruajtjen e paqes, sigurisë dhe stabilitetit në vendin tonë. Në këtë ditë nderimi, u shprehim respektin dhe mirënjohjen institucionale të gjithë veteranëve amerikanë për përkushtimin e tyre ndaj paqes dhe demokracisë”, shkroi Basha./Arbresh.info